22. Dezember — gsund bleim
von Anita Moka am 22. Dezember 2021Gsunde Platzerl
Äpfel, Nuss und Mandelkern,
im Weinachtsgebäck drin, dua is mit Freid verzehrn.
A weng a Nougat no und Marzipan,
Zimt, Nagein, a weng Anis dran,
mit Mamalad zam-babt, na rutschens no besser,
i woaß, i bin da grechte „Guatl-Esser“!
Du bist, sogt mei Frau und betont, des war einmal, des is jetz vorbei,
Du warst, host g´hört, du warst, denn an End hot´s mit da Schlemmerei.
Ganz verzweifelt schaug i´s o mei liebstes Stück,
nimmst dei Drohung scho wieder z´rück,
denn ohne Lebkuacha, Spitzbuam und Zimtstern,
konn des schenste Weihnachten nichts werd´n.
O nein, sogt si, und macht mir s´Maul trotzdem wassrig,
denn mit Haferkleie, Müsliflocken, Chinoa, gibt’s gsunde Rezepte massig.
Wos jetzt glei kimmt, i kenn mei Frau,
is eine Predigt über Kalorien, Bauchfett i woaß genau.
Gesunde Ernährung, Übergewicht, Lebenserwartung und mei Figur,
wer red ihra den Schmarrn blos ei, wos hot si nur?
Tröstend sogt si, i moan das nur guad, dua auf dei Gsundheit schaun,
es werd scho schmecka, hob vertraun.
Die Lösung is, i muaß probiern
und de Bsuach von de Christkindlmärkte moniern,
denn Alkohol von Glühwein und Punsch sand nix für d´Frau,
zwengs Bluthochduck, jetzt hob i sie, des basst genau.
Na guad, sogt sie drauf ganz staad, an Deal kannt ma scho macha,
dua i hoid oa gsunde Sorten und fünf „Normale“ bacha.
Na guad sog i und duas glei recht drucka,
und am Markt, do drink ma an Glühwein und an Punsch mit Kandiszucka.
Dezember Tee
¼ ltr. Weißwein
¼ ltr. frisch gepr. Orangensaft
¼ ltr. Orangenlikör
½ unbehandelte Zirone und Orange
1 Tl. Nelken 2 Zimtstangen Zucker
Weißwein, Orangensaft und Likör in einen Topf geben.
Zitrone und Orange mit den Nelken spicken, mit Zimtstangen und Zucker ebenfalls in den
Topf geben und erhitzen.
Wer mag, mit Sahnehäubchen und Zimt garnieren.
eine Tasse Gesundheit — am besten täglich
1 große Teetasse:
Saft und Fleisch von einer ausgepressten Bio-Zitrone
Saft und Fleisch von einer ausgepressten Bio-Saftorange
mehrere Scheibchen Ingwer (evtl. auch kandierten Ingwer)
alles mit ca. 200ml kochenden Wasser aufgießen
nach einigen Minuten einen Esslöffel Honig einrühren